7  Hvað ef: jöfn úthlutun frá grunni

Hvað ef allir fagráðsmenn væru jafnhæfir til að fjalla um allar umsóknir, og lotan væri skipulögð frá grunni? Þá mætti skipta álaginu jafnt, svo enginn beri áberandi meira en aðrir. Þetta er einföldun: í raun skipta hæfni, fyrri yfirferð og óskir fagráðsmanna máli. Samanburðurinn sýnir hversu jafnt álagið gæti verið.

Viðmið samanburðarins. Jöfn úthlutun er borin saman við bestað plan sviðsmyndar 2 (Kafli 5): þar má raða umsóknum upp á nýtt á fundi 5–9, en pörunin, þ.e. hver fagráðsmaður er á hverri umsókn og í hvaða hlutverki, er sú sem starfsmenn lögðu til. Það sýnir hvað jöfn úthlutun bætir við þegar skipulag fundanna er þegar bestað. Samanburðurinn er ekki við sviðsmynd 1, þar sem aðeins röð umsókna er bestuð innan þeirrar fundaskipunar sem fagráð lagði upphaflega til.

Bestað er lagskipt, í tveimur skrefum (Kafli 4):

  1. Pörun og hlutverk. Líkanið velur þrjá fagráðsmenn og ritstjóra á hverja umsókn, og hver er
    1. lesari og 2. lesari. Ekkert er fest, ekki heldur fundir sem eru búnir. Vanhæfur fagráðsmaður fjallar aldrei um umsókn. Álagi er skipt jafnt á alla, og ritstjórahlutverkum jafnt á reynda fagráðsmenn; nýir eru ritstjórar á mest 15% umsókna sinna.
  2. Fundir og röð. Líkanið skipuleggur lotuna frá grunni fyrir þessa pörun: á fyrsta fundi mæta allir með eina umsókn hver, en eftir það er allt frjálst. Nýir fagráðsmenn eru ekki ritstjórar fyrr en eftir miðbik lotunnar (M5). Þar sem fundir hvers og eins eru ekki þekktir fyrr en í þessu skrefi er miðbik lotunnar notað í stað miðbiks eigin funda.

7.1 Pörun og hlutverk

Tafla 7.1: Tillaga starfsmanna og jöfn úthlutun frá grunni bornar saman (bil yfir fagráðsmenn).
Úthlutun Umsóknir á fagráðsmann Ritstjórahlutverk Greiðsla (þús. kr.) Greiðsla á umsókn (þús. kr.) 1. lesari Mesti munur 1. og 2. lesara
Tillaga starfsmanna 9–22 1–11 181–432 17,4–23,5 0–14 14
Jöfn úthlutun 15–16 5–6 303–326 19,9–20,7 4–7 4

7.1.1 Umsóknir á hvern fagráðsmann

Mynd 7.1: Umsóknir á hvern fagráðsmann, skipt í ritstjóra- og lesarahlutverk, í tillögu starfsmanna.
Mynd 7.2: Umsóknir á hvern fagráðsmann, skipt í ritstjóra- og lesarahlutverk, eftir jafnri úthlutun frá grunni.

7.1.2 Greiðslur

Mynd 7.3: Greiðslur til hvers fagráðsmanns í tillögu starfsmanna.
Mynd 7.4: Greiðslur til hvers fagráðsmanns eftir jafnri úthlutun frá grunni.

7.2 Fundir og röð

Tafla 7.2: Fundaskipan með jafnri úthlutun frá grunni, borin saman við bestað plan sviðsmyndar 2 (endurröðun leyfð, pörun föst).
Skipulag Mesta byrði Fundir samtals Fundir sem mætt er á (bil) Biðpunktar samtals Fylgni funda og biðar
2. M1–M4 fastir, restin bestuð 63 124 5–8 680 0,68
Jöfn úthlutun frá grunni 67 120 4–7 789 0,66

Jöfn úthlutun jafnar greiðslur á umsókn, en fundaskipanin er ekki betri á byrði og bið en í sviðsmynd 2: mesta byrði er 67 á móti 63 og biðpunktar samtals 789 á móti 680, en fundarsetur eru 120 á móti 124. Lausnin er ekki sönnuð best, svo hluti munarins getur stafað af leitinni.

Mynd 7.5: Fjöldi umsókna hvers fagráðsmanns á hverjum fundi, með jafnri úthlutun frá grunni.
Mynd 7.6: Fjöldi funda sem hver fagráðsmaður þarf að mæta á, með jafnri úthlutun frá grunni.