| Sviðsmynd | Tímamörk (mín.) | Reiknitími (mín.) | Bil (%) |
|---|---|---|---|
| 1. Áætlun starfsmanna, röð bestuð | 60,0 | 36,0 | 4,0 |
| 2. M1–M4 fastir, restin bestuð | 720,0 | 468,3 | 40,6 |
| 3. Hvað ef: allt skipulagt frá upphafi | 720,0 | 470,1 | 70,3 |
Reiknitími
Lausnarinn leitar að bestu lausn innan tímamarka. Á meðan heldur hann utan um tvær tölur í hverju þrepi markfallsins: bestu lausn sem hefur fundist og neðra mark, sem sannað er að engin lausn getur farið niður fyrir. Besta mögulega lausn liggur einhvers staðar á milli þeirra. Bilið er munurinn á þeim sem hlutfall af bestu lausn: 0 % þýðir að lausnin er sönnuð best, en 50 % að besta mögulega lausn gæti verið allt að helmingi lægri. Bilið er því óvissubil um gæði lausnarinnar, ekki mælikvarði á sanngirni. Lausnin getur verið nær bestu lausn en bilið gefur til kynna, því neðra markið hækkar oft hægt.
Tímamörkunum er skipt á milli þrepa markfallsins: þrep 1 (fundir) fær 40 % tímans, og ef byrjað er á viðmiðunarplani fá reglurnar 10 % og viðmiðunarplanið 20 %. Hin þrepin skipta afganginum jafnt á milli sín. Þrep sem klárast fyrr skilar ónotuðum tíma ekki áfram, svo heildartíminn getur orðið styttri en tímamörkin.
Sviðsmynd 1 hafði 1 klst. í tímamörk og sviðsmyndir 2 og 3 12 klst. hvor. Sviðsmynd 2 byrjar á lausn sviðsmyndar 1. Þrep sem klárast fyrr skila ónotuðum tíma ekki áfram, svo sviðsmynd 2 notaði 7,8 klst. af 12. Sviðsmynd 3 hafði einnig 12 klst. í tímamörk og notaði 7,8 klst. Í báðum sviðsmyndum er bilið í síðustu þrepunum stórt, svo lausnirnar eru góðar en ekki sannaðar bestar.
Þróun lausnar yfir tíma
Myndirnar sýna fyrir hverja sviðsmynd hvernig besta lausn og neðra mark hvers þreps þróast yfir keyrsluna. Hvert þrep er sýnt frá upphafi þess; reglur og viðmiðunarplan taka sekúndur og eru ekki sýnd. Skyggða svæðið á milli línanna er bilið. Þar sem þær mætast er lausn þrepsins sönnuð best.
