Capstone verkefni

Capstone-hópverkefnið: verkefnasvið, gagnasöfn og hvernig teymin vinna það yfir önnina.

Á fyrsta degi kynnir kennarinn nokkur verkefnasvið, hvert með eigin gagnasafni og umfangi. Þú velur þér hóp í kringum það vandamál sem þig langar til að leysa. Hópurinn vinnur saman í 14 vikur og hver lota námskeiðsins bætir við verkefnið — gagnahreinsun, SQL-greining, myndræn framsetning — þar til lokaafurðin, þ.e. capstone-verkefnið, er tilbúin.

Verkefnasvið fyrir 2026

Öll dæmin hér tengjast Reykjavík / höfuðborgarsvæðinu og deila sameiginlegum lykli (hverfi + tími) — hópar geta valfrjálst sótt gögn frá hvor öðrum til að auðga eigin greiningu.

Hópur Þema Krókurinn
Rachel Borgarslúðrið Hvað er borgarstjórn í alvöru að tala um bak við luktar dyr (sem eru samt opnar öllum)? Grafið í þúsundum fundargerða og finnið dramatíkina.
Ross Skipulags-CSI Rannsakið borgina eins og glæpasenu — byggingar, lóðir, veitur. Hver byggði hvað, hvar, og hvenær fór allt úrskeiðis?
Chandler Hvar er vagninn minn?! Allir hafa staðið úti í rigningu og beðið. Nú fáið þið gögnin til að sanna að strætó er (eða er ekki) að seinka viljandi.
Phoebe Skjálftavaktin Land elds og íss, í rauntíma. Byggið mælaborð sem fylgist með Íslandi skjálfa, kólna og hitna — beint í æð.
Monica Húsnæðisbrjálæðið Af hverju er ómögulegt að finna íbúð? Kafið í tölurnar á bak við leigu- og fasteignaverð og sannið það sem allir vita nú þegar.
Joey Túristasprengjan Milljónir ferðamanna, ein lítil borg. Hvenær koma þau, hvert fara þau, og hvað gerir það við borgina ykkar?

Gagnaveitur

Dæmi um gangaveitur, listinn er ekki tæmandi en ætti að koma ykkur áleiðis:

Hlutverk í hóp

Hlutverk skiptast í hverri lotu:

  • Einn eða fleiri meðlimir kóða (PR-höfundar á GitHub)
  • Einn eða fleiri meðlimir rýna kóðann (PR-rýnar á GitHub)
  • Verkefnastjóri (skipt á milli lota) samræmir tímafresti, hefur samband við kennarann og ber ábyrgð á að hafa yfirsýn yfir framvindu verkefnisins: hvað er að gerast í hópnum, hver gerir hvað og hvers vegna. Í upphafi næstu lotu er verkefnastjóri spurður út í vinnu hópsins í nýafstaðinni lotu í óundirbúnum iTA-fyrirspurnartíma á mánudegi.

Allt þetta er sýnilegt í Git-sögunni — hver gerði hvað, hvenær, og hvort kóðarýni var ítarleg.

Aðvörun

Git-sagan er hluti af einkunnargjöfinni.

Teymissáttmáli

Hópurinn semur TEAM.md á fyrstu viku sem inniheldur:

  • Tungumálaval (íslensku eða ensku) — þetta á við um allt: kóða, skjöl og skýrslur
  • Vinnureglur og mætingarskyldur
  • Hvernig úrlausn deilumála fer fram
  • Tímasetning og samskiptarásir

GitHub Pages og skýrslur

Eftir hverja lotu bætið þið við gögnum og myndum við GitHub Pages-teymissíðuna ykkar — í lokaverkefninu er síðan ykkar lifandi skýrsla sem sýnir alla ferðina frá fyrstu viku til þeirrar síðustu.

Verkefnastjóri og yfirsýn

Í capstone-verkefninu eru teymin þriggja manna. Það þýðir að verkefnastjóri hverrar lotu, sem þarf að geta staðið skil á vinnu hópsins í iTA, hefur yfirleitt annaðhvort verið PR-höfundur eða PR-rýnir á öllum greinum sem voru sameinaðar inn í main.

Ef verkefnastjóri hefur sinnt PR-rýninni nægilega vel ætti hann því að vera vel kunnugur verkefninu: hvað var gert, hver gerði hvað, hvers vegna breytingarnar voru samþykktar og hvernig þær tengjast capstone-verkefninu.