SSH-lyklar
Setja upp SSH-lykil til að sækja og pusha á GitHub úr skipanalínu án þess að slá inn lykilorð í hvert sinn — og af hverju það skiptir máli fyrir erindreka.
SSH-lykill er leið til að auðkenna þig gagnvart GitHub þegar þú vinnur úr skipanalínu (git clone, git fetch, git push) — án þess að slá inn notandanafn og lykilorð í hvert sinn. Þú býrð til lyklapar: leynilykil sem er á þinni vél og opinberan lykil sem þú setur á GitHub.
Ef þú vinnur eingöngu gegnum Git-viðmótið í IDE-inu (t.d. VS Code) þarftu oft ekki að setja SSH upp handvirkt — umhverfið sér um auðkenninguna fyrir þig (t.d. með innskráningu á GitHub). En það er samt gott að kunna skipanalínu-leiðina, og hún er nauðsynleg í sumum tilvikum — sjá athugasemd um erindreka neðst.
1. Búðu til SSH-lykil
Í skel (Git Bash, Terminal eða PowerShell):
ssh-keygen -t ed25519 -C "netfang@hi.is"Ýttu á Enter til að samþykkja sjálfgefna staðsetningu (~/.ssh/id_ed25519). Þú mátt setja aðgangsorð (passphrase) á lykilinn til að auka öryggi.
2. Bættu opinbera lyklinum á GitHub
Afritaðu innihald opinbera lykilsins (.pub-skráin — aldrei leynilykilinn):
cat ~/.ssh/id_ed25519.pubFarðu svo á GitHub: Settings → SSH and GPG keys → New SSH key, límdu inn lykilinn og vistaðu.
3. Prófaðu tenginguna
ssh -T git@github.comEf allt er rétt uppsett færðu kveðju sem staðfestir auðkenninguna.
4. Notaðu SSH-slóðina
Þegar þú klónar skaltu velja SSH-slóðina (byrjar á git@github.com:) frekar en HTTPS:
git clone git@github.com:notandi/verkefni.gitEf þú ert þegar með HTTPS-klón geturðu skipt yfir í SSH með git remote set-url.
Ef þú lætur erindreka (AI-tól) sjá um Git-aðgerðir beint þarf hann aðgang að geymslunni — og erindrekar vinna eingöngu gegnum skipanalínu, ekki í gegnum myndrænt IDE-viðmót. Þá þarf virk skipanalínu-auðkenning (SSH-lykill eða aðgangs-token) að vera til staðar. Þetta er ein af ástæðunum fyrir því að borga sig að setja SSH upp þótt þú notir annars IDE-viðmótið dagsdaglega.