Að skrifa góð fyrirmæli

Hvernig skýr og samhengisrík fyrirmæli (prompts) bæta gæði þess sem erindreki skilar.

Erindreki er ekki hugsanalesari. Gæði svarsins ráðast að miklu leyti af því hversu skýr og samhengisrík fyrirmælin (prompts) eru. Almennt hjálpar að hafa eftirfarandi í huga:

• Gefðu samhengi. Segðu hvað verkefnið snýst um, hvaða tungumál eða tól eru notuð og hvað hefur þegar verið gert. Því meira sem erindrekinn veit um umhverfið, því betri verður tillagan.
• Vertu skýr um markmiðið. Lýstu því hvað þú vilt fá út — ekki bara „laga þetta“ heldur hvað á að vera öðruvísi og hvernig þú veist að það sé búið (sbr. skilyrði fyrir að klára í issues).
• Biddu um lítil, afmörkuð skref. Ein breyting í einu er auðveldari að lesa yfir, prófa og bakka út en stór „endurskrifaðu allt“-beiðni.
• Sýndu dæmi. Ef þú vilt ákveðið snið, stíl eða framsetningu, límdu inn dæmi um hvernig niðurstaðan á að líta út. Dæmi segja meira en löng lýsing.
• Settu skorður. Nefndu það sem má ekki gera: ekki breyta öðrum skrám, ekki bæta við aukapökkum, halda sig við núverandi stíl kóðans.
• Ítraðu. Fyrsta svarið er sjaldan fullkomið. Bentu á það sem er rangt eða vantar og biddu um leiðréttingu, frekar en að byrja upp á nýtt.
• Biddu um útskýringu. Láttu erindrekann rökstyðja af hverju hann valdi þessa leið. Það hjálpar þér að meta hvort lausnin sé rétt — og þú berð ábyrgð á að skilja hana.

Ábending

Í stuttu máli: gott prompt er eins og gott issue — skýrt markmið, nægt samhengi og afmarkað umfang. Ef þú gætir sjálf/ur ekki leyst verkið út frá lýsingunni, þá getur erindrekinn það líklega ekki heldur.